سابق وفاقی وزیر اسد عمر طبیعت ناسازی پر کراچی کے نجی اسپتال منتقل
فوٹو : ایکسپریس نیوز
کراچی: سابق وفاقی وزیر اسد عمر کو طبیعت ناسازی پر سندھ ریسکیو 1122 کی ایمبولینس میں کلفٹن کے نجی اسپتال منتقل کر دیا گیا۔
تفصیلات کے مطابق سابق وفاقی وزیر اسد عمر کی طبعیت ناساز ہوگئی اور اچانک طبیعت بگڑنے پر اسد عمر نے ریسکیو ایمبولینس 1122 سے رابطہ کیا جس پر سندھ ریسکیو ایمبولینس 1122 پانچ منٹ میں اسد عمر کو گھر سے اسپتال پہنچانے پہنچ گئی۔
سابق وفاقی وزیر کو کمر میں درد کی شکایت پر گھر سے اسپتال منتقل کیا گیا۔
اسد عمر نے ریسکیو ایمبولینس 1122 کی تعریف کرتے ہوئے کہا کہ وہ ہمیشہ سندھ ریسکیو 1122 کی ایمبولینس سروس استعمال کرتے ہیں، ایک زبردرست سروس ہے اور ایمبولینس سروس بین الاقوامی معیار کی ہے جبکہ اسٹاف بھی پیشہ ورانہ صلاحیت رکھتا ہے، کراچی میں یہ سروس کسی نعمت سے کم نہیں ہے۔
%d8%b3%d8%a7%d8%a8%d9%82-%d9%88%d9%81%d8%a7%d9%82%db%8c-%d9%88%d8%b2%db%8c%d8%b1-%d8%a7%d8%b3%d8%af-%d8%b9%d9%85%d8%b1-%d8%b7%d8%a8%db%8c%d8%b9%d8%aa-%d9%86%d8%a7%d8%b3%d8%a7%d8%b2%db%8c-%d9%be%d8%b1
