ایران نے چابہار بندرگاہ کے ایک حصے کا انتظام 10 سال کیلئے بھارت کے حوالے کردیا
فوٹو: غیرملکی میڈیا
تہران: ایران نے چابہار بندرگاہ کے ایک حصے (شاہد بہشتی ٹرمینل) کا انتظام 10 سال کیلئے بھارت کے حوالے کردیا۔
اس حوالے سے پیر کو تہران میں بھارت کے وزیر برائے پورٹس اینڈ شپنگ سربانند سونووال اور ان کے ایرانی ہم منصب مہرداد بازرپاش کی موجودگی میں معاہدے پر دستخط کیے گئے۔
میڈیا رپورٹس کے مطابق معاہدے کے تحت بھارت چابہار بندرگاہ کو جدید بنانے کے لیے اسٹریٹجک آلات کی فراہمی میں 120 ملین ڈالر کے ساتھ ساتھ اس کے ٹرانسپورٹیشن انفراسٹرکچر کے لیے 250 ملین ڈالر سے زیادہ کی سرمایہ کاری کرے گا۔
بھارتی وزیر خارجہ سبرامنیم جے شنکر نے پیر کو ممبئی میں کہا کہ طویل مدتی معاہدہ ایران کی اسٹریٹجک چابہار بندرگاہ میں زیادہ سرمایہ کاری کی راہ ہموار کرے گا۔
بھارت نے چابہار بندرگاہ کو ایران، افغانستان اور وسطی ایشیائی ممالک تک سامان پہنچانے کے راستے کے طور پر توسیع دی ہے اور وہ اسے نقل و حمل کے مرکز میں تبدیل کرنے کا منصوبہ رکھتا ہے۔
%d8%a7%db%8c%d8%b1%d8%a7%d9%86-%d9%86%db%92-%da%86%d8%a7%d8%a8%db%81%d8%a7%d8%b1-%d8%a8%d9%86%d8%af%d8%b1%da%af%d8%a7%db%81-%da%a9%db%92-%d8%a7%db%8c%da%a9-%d8%ad%d8%b5%db%92-%da%a9%d8%a7-%d8%a7%d9%86
