کراچی: آن لائن خریدی گئی منشیات برآمد، پولیس اہلکار سمیت 4 ملزمان گرفتار
پولیس نے ملزمان کے خلاف مقدمہ درج کرلیا ہے—فوٹو: فائل
کراچی: سی آئی اے کراچی نے آن لائن خریدی گئی کروڑوں روپے کی منشیات برآمد کرکے اینٹی انکروچمنٹ پولیس اہلکار سمیت 4 ملزمان کو گرفتار کرلیا۔
سی آئی اے کراچی کے سیل اسپیشلائزڈ انویسٹی گیشن یونٹ نے اتحاد ٹاؤن کے علاقے میں خفیہ اطلاع پر چھاپہ مار کر ایک گاڑی سے کروڑوں روپے کی 21 کلو منشیات برآمد کرلی اور اس دوران اینٹی انکروچمنٹ پولیس میں تعینات اہلکار سمیت 4 ملزمان کو بھی گرفتار کر لیا گیا۔
ایکسپریس نیوز کو ڈی آئی جی سی آئی اے مقدس حیدر نے بتایا کہ سی آئی اے پولیس کو اطلاع ملی تھی کہ کراچی کا ایک گروپ آن لائن منشیات کی خریداری کرتا ہے اور اس گروپ میں چند افسران بھی شامل ہیں۔
ان کا کہنا تھا کہ اسپیشلائزڈ انویسٹی گیشن یونٹ نے مخبر کی اطلاع پر اتحاد ٹاؤن میں چھاپہ مار کر ایک گاڑی سے 21 کلو منشیات برآمد کی ہے جو پشاور سے کراچی پہنچائی گئی تھیاور اس کی مالیت کروڑوں روپے ہے۔
ڈی آئی جی نے کہا کہ سی آئی اے پولیس نے چھاپے میں اینٹی انکروچمنٹ میں تعینات پولیس اہلکار سکندر آفریدی سمیت سعد ولی، محمد سلیم اور محمد احمد خان کو گرفتار کیا ہے اور 21 کلو منشیات مذکورہ چاروں ملزمان کے قبضے سے برآمد کی گئی ہے۔
انہوں نے کہا کہ گرفتار ملزمان یہ منشیات کراچی کے منشیات فروشوں کو فراہم کر رہے تھے۔
ڈی آئی جی سی آئی اے مقدس حیدر کا مزید کہنا تھا کہ کراچی میں منشیات فروشوں کا گروپ بلوچستان اور خیبرپختونخوا (کے پی) سے آن لائن منشیات اور اسلحہ خریدتا ہے اور اس حوالے سے اطلاعات پر اسپیلائزڈ انویسٹی گیشن یونٹ نے کارروائی کی اور گرفتار پولیس اہلکار سمیت چاروں ملزمان کے خلاف مقدمہ بھی درج کرلیا گیا ہے۔
%da%a9%d8%b1%d8%a7%da%86%db%8c-%d8%a2%d9%86-%d9%84%d8%a7%d8%a6%d9%86-%d8%ae%d8%b1%db%8c%d8%af%db%8c-%da%af%d8%a6%db%8c-%d9%85%d9%86%d8%b4%db%8c%d8%a7%d8%aa-%d8%a8%d8%b1%d8%a2%d9%85%d8%af%d8%8c-%d9%be
