نااہل نرسوں کو بیرون ملک بھجوانے میں ملوث بیورو آف امیگریشن کے 3 افسران گرفتار

0

 اسلام آباد: ایف آئی  اے اینٹی کرپشن سرکل نے  نااہل نرسوں کو پروٹیکٹر جاری کرنے میں ملوث بیورو آف امیگریشن اینڈ اوورسیز ایمپلائمنٹ کے 3 افسران کو گرفتار کر لیا۔

ترجمان ایف آئی اے کے مطابق گرفتار ملزمان میں بیورو آف امیگریشن اینڈ اوورسیز ایمپلائمنٹ کے ڈائریکٹر سعید خان، ڈائریکٹر گل اکبر اوراسسٹنٹ ڈائریکٹراحمر وحید شامل ہیں، یہ افسران بغیر این او سی کے نااہل نرسوں کو پروٹیکٹر جاری کرنے میں ملوث پائے گئے۔

ملزمان کو اسپیشل جج سنٹرل راولپنڈی کی عدالت سے ضمانت منسوخ ہونے پر گرفتار کیا گیا۔

ترجمان کے مطابق ملزمان نے مجموعی طور پر 92 نرسوں کو غیر قانونی پروٹیکٹر جاری کیے تھے جنہیں بعد ازاں سعودی عرب سے ڈیپورٹ کر دیا گیا تھا۔

ملزمان نے الموارد نامی سعودی عرب کی اوورسیز ایمپلائمنٹ پروموٹر کمپنی کی ڈیمانڈ پر غیر قانونی عمل درآمد کروایا تھا۔

ایف آئی کے  ترجمان کا کہنا ہے کہ ملزمان کو گرفتار کر کے تفتیش کا آغاز کر دیا گیا ہے۔

 

The post نااہل نرسوں کو بیرون ملک بھجوانے میں ملوث بیورو آف امیگریشن کے 3 افسران گرفتار appeared first on ایکسپریس اردو.

%d9%86%d8%a7%d8%a7%db%81%d9%84-%d9%86%d8%b1%d8%b3%d9%88%da%ba-%da%a9%d9%88-%d8%a8%db%8c%d8%b1%d9%88%d9%86-%d9%85%d9%84%da%a9-%d8%a8%da%be%d8%ac%d9%88%d8%a7%d9%86%db%92-%d9%85%db%8c%da%ba-%d9%85%d9%84

Leave a Reply

Your email address will not be published. Required fields are marked *