سپریم کورٹ؛ سنی اتحاد کونسل کی مخصوص نشستوں کے کیس کا فیصلہ کل سنایا جائے گا

0

چیف جسٹس کی زیر صدارت مشاورتی اجلاس، کیس کے فیصلے پر غور

چیف جسٹس کی زیر صدارت مشاورتی اجلاس، کیس کے فیصلے پر غور

 اسلام آباد: سپریم کورٹ سنی اتحاد کونسل کی مخصوص نشستوں کے کیس کا فیصلہ کل سنائے گی۔

ذرائع کے مطابق چیف جسٹس پاکستان قاضی فائز عیسیٰ کی زیر صدارت مشاورتی اجلاس ہوا جس میں مخصوص نشستوں کے کیس کی سماعت کرنے والے فل کورٹ میں شامل تیرہ ججز نے شرکت کی۔

یہ بھی پڑھیں: سپریم کورٹ؛ سنی اتحاد کونسل کی مخصوص نشستوں کے کیس کا فیصلہ محفوظ

اجلاس تقریباً چالیس منٹ تک جاری رہا جس میں کیس کے فیصلے پر غور کیا گیا۔ ذرائع کے مطابق سپریم کورٹ کا تیرہ رکنی فل کورٹ کل کیس کا فیصلہ سنائے گا۔

چیف جسٹس قاضی فائز عیسیٰ، جسٹس سید منصور علی شاہ، جسٹس منیب اختر، جسٹس یحییٰ آفریدی، جسٹس امین الدین خان، جسٹس جمال خان مندوخیل، جسٹس محمد علی مظہر، جسٹس عائشہ ملک، جسٹس اطہر من اللّٰہ، جسٹس سید حسن اظہر رضوی، جسٹس شاہد وحید، جسٹس عرفان سعادت خان اور جسٹس نعیم اختر افغان فل کورٹ کا حصہ ہیں۔

واضح رہے کہ سپریم کورٹ نے منگل کو سنی اتحاد کونسل کی مخصوص نشستوں سے متعلق کیس کا فیصلہ محفوظ کیا تھا۔

 


%d8%b3%d9%be%d8%b1%db%8c%d9%85-%da%a9%d9%88%d8%b1%d9%b9%d8%9b-%d8%b3%d9%86%db%8c-%d8%a7%d8%aa%d8%ad%d8%a7%d8%af-%da%a9%d9%88%d9%86%d8%b3%d9%84-%da%a9%db%8c-%d9%85%d8%ae%d8%b5%d9%88%d8%b5-%d9%86%d8%b4

Leave a Reply

Your email address will not be published. Required fields are marked *