صدر مملکت اور وفاقی وزیر داخلہ کی چوہدری شجاعت سے ملاقات

0

فوٹو ریڈیو پاکستان

فوٹو ریڈیو پاکستان

 لاہور: صدر مملکت آصف علی زرداری کی مسلم لیگ ق کے سربراہ چوہدری شجاعت سے اہم ملاقات ہوئی ہے۔

تفصیلات کے مطابق لاہور میں صدر مملکت اور وزیر داخلہ محسن نقوی ملاقات کیلیے چوہدری شجاعت کی رہائش گاہ پہنچے جہاں رہنماؤں کی بیٹھک ہوئی اور ملاقات میں ملک کی موجودہ سیاسی صورت حال پر بھی تبادلۂ خیال کیا گیا۔

صدر مملکت اور وزیر داخلہ نے چوہدری شجاعت حسین کی خیریت دریافت کی اور اُن کی صحت یابی کیلیے نیک خواہشات کا اظہار بھی کیا۔

آصف علی زرداری نے گفتگو کرتے ہوئے کہا کہ پاکستان کی بہتری اور ترقی کیلیے تمام اسٹیک ہولڈرز کو ایک صفحے پر آنا ہوگا کیونکہ ملک ہم سب کا سانجھا ہے۔ اس موقع پر وفاقی وزیر داخلہ محسن نقوی نے کہا کہ پاکستان کیلئے چوہدری شجاعت کی گراں قدر خدمات ہیں۔

ملاقات میں مسلم لیگ (ق) کے چوہدری سالک حسین، چوہدری شافع اور چوہدری موسی الہی بھی موجود تھے۔


%d8%b5%d8%af%d8%b1-%d9%85%d9%85%d9%84%da%a9%d8%aa-%d8%a7%d9%88%d8%b1-%d9%88%d9%81%d8%a7%d9%82%db%8c-%d9%88%d8%b2%db%8c%d8%b1-%d8%af%d8%a7%d8%ae%d9%84%db%81-%da%a9%db%8c-%da%86%d9%88%db%81%d8%af%d8%b1

Leave a Reply

Your email address will not be published. Required fields are marked *