سنگاپور؛ نابالغ لڑکی کیساتھ زیادتی پر بار کے بھارتی نژاد مالک کو 13 سال قید

0

بار کے مالک نے 17 سالہ لڑکی کو اُس وقت زیادتی کا نشانہ بنایا جب وہ نشے میں تھی، فوٹو: فائل

بار کے مالک نے 17 سالہ لڑکی کو اُس وقت زیادتی کا نشانہ بنایا جب وہ نشے میں تھی، فوٹو: فائل

سنگاپور سٹی: سنگاپور میں 17 سالہ لڑکی کے ساتھ جنسی زیادتی کرنے پر بار کے مالک بھارتی نژاد 42 سالہ راج کمار بالا کو 13 سال 4 ماہ قید کی سزا سنا دی گئی۔

بھارتی میڈیا کے مطابق سنگاپور میں واقع بار کے مالک نے فروری 2020 میں اُس وقت زیادتی کا نشانہ بنایا جب وہ 17 سال کی تھی اور گرلز ہاسٹل سے بھاگ کر بار میں نوکری کے لیے آئی تھی۔

بار کے مالک راج کمار بالا نے اپنے بار میں کئی ایسی لڑکیوں کو ملازمت دے رکھی تھی جو گھر سے بھاگ کر گرلز ہاسٹل میں رہتی تھیں۔

متاثرہ لڑکی نے وہاں ملازمت کرنے والی اپنی دوست کو بتایا کہ جب میں بہت زیادہ نشے میں تھی تو راج کمار بالا نے زیادتی کا نشانہ بنایا۔

بعد ازاں دوست کے کہنے پر ہی متاثرہ لڑکی نے بار کے مالک کے خلاف مقدمہ درج کرایا۔

راج کمار بالا کو زیادتی اور چلڈرن اینڈ ینگ پرسنز ایکٹ کے تحت گھر سے بھاگنے والی لڑکیوں کو پناہ دینے کے الزام میں مجموعی طور پر 13 سال اور 4 ماہ کی قید کی سزا سنائی گئی۔

 


%d8%b3%d9%86%da%af%d8%a7%d9%be%d9%88%d8%b1%d8%9b-%d9%86%d8%a7%d8%a8%d8%a7%d9%84%d8%ba-%d9%84%da%91%da%a9%db%8c-%da%a9%db%8c%d8%b3%d8%a7%d8%aa%da%be-%d8%b2%db%8c%d8%a7%d8%af%d8%aa%db%8c-%d9%be%d8%b1

Leave a Reply

Your email address will not be published. Required fields are marked *