سندھ حکومت کا عوام کو گھر پر نمبر پلیٹس فراہم کرنے کا فیصلہ
پریمیم نمبر پلیٹس کے اجرا کے لیے خصوصی دفاتر قائم کیے جائیں گے، شرجیل انعام:فوٹو:فائل
کراچی: محکمہ ایکسائز سندھ نے عوام کو گھر پر گاڑیوں کی نمبر پلیٹس فراہم کرنے کا فیصلہ کیا ہے۔
سندھ کے سینئر وزیر شرجیل انعام میمن کی زیر صدارت اجلاس میں پریمیم نمبر پلیٹس کے اجرا کے لیے مخصوص دفاتر قائم کرنے کا فیصلہ کیا گیا۔ کراچی کے ضلع جنوبی میں موٹر رجسٹریشن کے دفتر کے قیام اور شام کے اوقات میں بھی کام کرنے کرنے کا بھی فیصلہ کیا گیا۔
شرجیل انعام میمن کا کہنا تھا کہ پریمیم نمبر پلیٹس کے اجرا کا پہلا مرحلہ کامیاب رہا۔ عوام کی جانب سے بھرپور پذیرائی ملی۔ پریمیم نمبر پلیٹس کی نیلامی کا دوسرا مرحلہ بھی جلد شروع کیا جائے گا۔ رجسٹریشن کے طریقہ کار کو مزید آسان بنانے کے لئے اقدامات کئے جائیں۔ عوام کو زیادہ سے زیادہ سہولیات کی فراہمی ہمارا اولین فرض اور ذمہ داری ہے۔ محکمہ ایکسائز کو کارپوریٹ طریقے سے چلانے کے خواہاں ہیں ۔
%d8%b3%d9%86%d8%af%da%be-%d8%ad%da%a9%d9%88%d9%85%d8%aa-%da%a9%d8%a7-%d8%b9%d9%88%d8%a7%d9%85-%da%a9%d9%88-%da%af%da%be%d8%b1-%d9%be%d8%b1-%d9%86%d9%85%d8%a8%d8%b1-%d9%be%d9%84%db%8c%d9%b9%d8%b3
