اپنی محبت کیلئے آخری دم تک لڑتی رہوں گی، ملائیکہ اروڑا
ممبئی: بالی وڈ اداکارہ ملائیکہ اروڑا نے کہا ہے کہ وہ اپنی محبت کیلئے آخری دم تک لڑتی رہیں گی۔
ایک تازہ انٹرویو میں اداکارہ کا کہنا تھا کہ وہ اپنی سچی محبت سے کبھی دستبردار نہیں ہوں گی کیوں کہ وہ ایک اسکارپین ہیں۔
اداکارہ کا کہنا تھا کہ وہ ایک حقیقت پسند انسان ہیں اور انہیں علم ہے کہ محبت میں کس حد تک جانا ہے۔
یہ بھی پڑھیں : ارجن کپور سے علیحدگی کی خبروں پر ملائیکہ اروڑا کی پوسٹ سامنے آگئی
یہ بھی پڑھیں : ارجن کپور کی سالگرہ، ملائیکہ اروڑا نے انسٹاگرام پر مبہم پوسٹ کردی
بھارتی اداکارہ نے گزشتہ دنوں اپنے بوائے فرینڈ اداکار ارجن کپور کی سالگرہ کے موقع پر مبہم پوسٹ کرکے مداحوں کو تذبذب میں ڈال دیا تھا۔
ارجن کپور اور ملائیکہ کے درمیان بریک اپ کی خبریں انڈسٹری میں گرم ہیں اور نئی پوسٹ نے ان خبروں کو تقویت دی تھی۔
ملائیکہ اروڑا نے اپنی پوسٹ میں لکھا تھا کہ انہیں ایسے لوگ پسند ہیں جن پر وہ آنکھیں بند کرکے اپنی پیٹھ پیچھے بھروسہ کرسکتی ہیں۔
دوسری جانب ارجن کپور نے اپنی 39 ویں سالگرہ دوستوں کے ساتھ منائی اور اس میں ملائیکہ اروڑا موجود نہیں تھیں۔
یاد رہے کہ ملائیکہ اروڑا اور ارجن کپور کے تعلقات کا آغاز 2018 میں ہوا تھا، اس سے قبل ملائیکہ اروڑا نے ارباز خان سے شادی کی تھی جو 2017 میں ختم ہوگئی تھی۔
%d8%a7%d9%be%d9%86%db%8c-%d9%85%d8%ad%d8%a8%d8%aa-%da%a9%db%8c%d9%84%d8%a6%db%92-%d8%a2%d8%ae%d8%b1%db%8c-%d8%af%d9%85-%d8%aa%da%a9-%d9%84%da%91%d8%aa%db%8c-%d8%b1%db%81%d9%88%da%ba-%da%af%db%8c%d8%8c
