امریکا؛ ڈانس پارٹی میں فائرنگ سے 3 افراد ہلاک اور 15 زخمی
![](https://zemnews.com/wp-content/uploads/2024/05/2639852-shootinginalbamaonweekendparty-1715593694.jpg)
![امریکا میں ویک اینڈ پارٹی میں فائرنگ سے 3 افراد ہلاک اور 15 زخمی ہوگئے، فوٹو: امریکی میڈیا](https://c.express.pk/2024/05/2639852-shootinginalbamaonweekendparty-1715593694-576-640x480.jpg)
امریکا میں ویک اینڈ پارٹی میں فائرنگ سے 3 افراد ہلاک اور 15 زخمی ہوگئے، فوٹو: امریکی میڈیا
واشنگٹن: امریکی ریاست الاباما میں ہونے والی ویک اینڈ ڈانس پارٹی میں جھگڑے کے دوران فائرنگ سے 3 افراد ہلاک اور 15 زخمی ہوگئے۔
امریکی میڈیا کے مطابق ریاست الباما میں ہونے والی پارٹی میں ایک شخص نے معمولی سی تلخ کلامی پر جھگڑا شروع کردیا اور پارٹی کے شرکاء پر اندھا دھند فائرنگ کردی۔
فائرنگ میں 15 سے زائد افراد زخمی ہوگئے جنھیں قریبی اسپتال منتقل کیا گیا جہاں 3 افراد کے ہلاک ہونے کی تصدیق کردی گئی جب کہ 6 کی حالت نازک ہونے کے سبب ہلاکتوں میں اضافے کا خدشہ ہے۔
فائرنگ کرنے والا شخص جائے وقوعہ سے فرار ہوگیا جس کی تلاش میں چھاپا مار کارروائی کی جا رہی ہے۔ تاحال ملزم کی شناخت نہیں ہوسکی ہے اور نہ ہی کوئی گرفتاری عمل میں لائی گئی۔
پولیس کا کہنا ہے کہ نائٹ پارٹی میں فائرنگ کے واقعے میں دو افراد کے ملوث ہونے کے شواہد ملے ہیں جن کی تلاش جاری ہے۔
یاد رہے کہ امریکا میں فائرنگ کے واقعات میں ہلاکتوں کی تعداد روڈ حادثات میں ہونے والی ہلاکتوں سے زیادہ ہے۔ جس کی وجہ اسلحے کی خرید و فروخت کے قوانین میں بے جا نرمی ہے۔
%d8%a7%d9%85%d8%b1%db%8c%da%a9%d8%a7%d8%9b-%da%88%d8%a7%d9%86%d8%b3-%d9%be%d8%a7%d8%b1%d9%b9%db%8c-%d9%85%db%8c%da%ba-%d9%81%d8%a7%d8%a6%d8%b1%d9%86%da%af-%d8%b3%db%92-3-%d8%a7%d9%81%d8%b1%d8%a7%d8%af